وزیراعلیٰ سندھ سید مراد علی شاہ نے سانحہ بلدیہ ٹاؤن کو قومی سانحہ قراد دیتے ہوئے کہا کہ سانحہ بلدیہ ٹاؤن پر جتنا افسوس اور مذمت کی جائی بہت کم ہے

کراچی وزیراعلیٰ سندھ سید مراد علی شاہ نے سانحہ بلدیہ ٹاؤن کو قومی سانحہ قراد دیتے ہوئے کہا کہ سانحہ بلدیہ ٹاؤن پر جتنا افسوس اور مذمت کی جائی بہت کم ہے۔ یہ بات انہوں نے وزیراعلیٰ ہاؤس سے جاری اپنے پیغام میں کہی۔ وزیراعلیٰ سندھ نے کہا کہ آج سے 12 سال قبل کراچی کی بلدیہ فیکٹری میں 264 مزدوروں کو جلا کر شہید کیا گیا تھا اور 50 سے زائد زخمی ہوئے۔ سید مراد علی شاہ کہا کہ سندھ کی عوام نے ہمیشہ دہشت گردی کے خلاف اپنی آواز بلند کی ہے، ہمارا نظریہ امن، محبت اور بھائی چارہ ہے، وزیراعلیٰ سندھ نے کہا کہ پاکستان پیپلز پارٹی بلدیہ ٹاؤن کے مظلوم شہیدوں کے لواحقین کے ساتھ ہے۔ انہوں نے کہا کہ ہم پاکستانی ان شرپسند لوگوں کے خلاف متحد ہیں اور ہمارے قانون نافذ کرنے والے ادارے ان شرپسند عناصر کے خلاف کارروائیاں کرتے رہیں گے۔