يونيورسٽيز اينڊ بورڊز واري صوبائي وزير محمد علي ملڪاڻي سان سنڌ يونيورسٽي ٽيچرس ايسوسي ايشن جي وفد ملاقات ڪئي
ڪراچي
سنڌ يونيورسٽي ٽيچرس ايسوسي ايشن (سوٽا) ۽ يونيورسٽي سنڊيڪيٽ جي ميمبرن سنڌ جي يونيورسٽيز ۽ بورڊز واري صوبائي وزير محمد علي ملڪاڻي سان سندس آفيس ۾ ملاقات ڪئي آھي.
وفد ۾ ڊاڪٽر عرفانه ملاح، ڊاڪٽر نيڪ محمد شيخ، ڊاڪٽر لڇمڻ داس، ڊاڪٽر محمد قاسم نظاماڻي، ڊاڪٽر تانيا مشتاق، عبدالرحمان نانگراج، ڊاڪٽر فيض محمد بروهي ۽ ڊاڪٽر پنهل لاشاري شامل هئا.
ان موقعي تي سيڪريٽري يونيورسٽيز اينڊ بورڊز محمد عباس بلوچ ۽ ايڊيشنل سيڪريٽري پڻ موجود هئا.
ملاقات ۾ سنڌ يونيورسٽي لاءِ انڊومينٽ فنڊز ۽ گرانٽ جي ورڇ واري پاليسي ميڪنزم، تدريسي نصاب ۽ ٻين معاملن تي خيالن جي ڏي وٺ ڪئي وئي.
