خيرپور ڳاڙهي موري جي رهواسي بيوهه عورٽن جو خيرپور ۾ پريالوءِ ٿاڻي جي ٿاڻيدار خلاف احتجاج، بنان جواز ڪوڙن ڪيسن ۾ ڦاسائڻ ۽ پريشان ڪرڻ جا الزام، تحفظ فراهم ڪرڻ جو مطالبو. تفصيل مطابق تعلقو ڪنگري جي ڳوٺ ڳاڙهي موري جي رهواسڻ بيوهه مسمات ساجده پروين زال اصغر علي گهانگهرو ۽ مسمات عابده زال سڌير احمد گهانگهرو خيرپور ۾ صحافين آڏو پريالوءِ ٿاڻي جي ٿاڻيدار محمد صادق عباسي ۽ سندس عملي خلاف احتجاجي مظاهرو ڪندي دانهيو ته بنان جواز جي ٿاڻيدار محمد صادق عباسي اسان جي ڀائرن، پٽن، ڀاڻيجن ۽ ڀائٽين کي گرفتار ڪري رشوت گهري رهيو آهي ۽ رشوت نه ملڻ سبب انهن مٿان ڪوڙا ڪيس ڪري پريشان ڪري رهيو آهي. هنن آءِ جي پوليس سنڌ ڪراچي، ڊي آءِ جي پوليس سکر، ايس ايس پي خيرپور ۽ ٻين وس وارن عملدارن کان مطالبو ڪيو ته ايس ايڇ او پريالوءِ محمد صادق عباسي خلاف انڪوائري ڪري اسان کي تحفظ فراهم ڪيو وڃي.
