سنڌ مدرسته الاسلام يونيورسٽيءَ جي وائس چانسلر پاران باباءِ قوم قائداعظم محمد علي جناح کي ڀيٽا پيش
ڪراچي
سنڌ مدرسته الاسلام يونيورسٽيءَ جي وائس چانسلر ڊاڪٽر مجيب صحرائيءَ باباءِ قوم قائداعظم محمد علي جناح جي 76 هين ورسي جي موقعي تي کين خراج عقيدت پيش ڪندي چيو آهي ته پاڪستان جي باني قائداعظم محمد
علي جناح جي پاڪستان جي آزاديءَ کان پوءِ جلد ئي وفات ملڪ ۽ قوم لاءِ هڪ وڏو نقصان هئي.
هن چيو ته اسان کي فخر آهي ته قائداعظم محمد علي جناح جو پنهنجي مادر علمي سنڌ مدرسته الاسلام سان گهرو تعلق هو، جنهن پنهنجي ملڪيت جو ٽيون حصو سنڌ مدرسي کي ڏيڻ جي وصيت ڪئي هئي ۽ 1943ع ۾ سنڌ مدرسته الاسلام جي ڪاليج جو افتتاح پڻ ڪيو هو. ڊاڪٽر مجيب صحرائيءَ چيو ته اسان کي ملڪي ترقيءَ جي لاءِ باني پاڪستان قائد اعظم محمد علي جناح جي نظريي، ڀائيچاري، ايمانداري ۽ ملڪ ۽ قوم سان وابستگي واري ورثي تي عمل ڪرڻو آهي.
