ڪراچي
سنڌ جي سينئر وزير ۽ اطلاعات، ٽرانسپورٽ ۽ ماس ٽرانزٽ جي صوبائي وزير شرجيل انعام ميمڻ پاران قائد عوام شهيد ذوالفقار علي ڀٽو جي 47 هين ورسي جي ڏهاڙي تي خراج تحسين پيش ڪرڻ لاءِ قرآن خواني جو انتظام ڪيو آهي.
هي روحاني تقريب ڊائريڪٽوريٽ آف سوشل اينڊ اليڪٽرانڪ ميڊيا، ڪلفٽن بلاڪ 5، ڪراچي ۾ منعقد ڪئي وئي. قرآن خواني جي تقريب ۾ شهيد ذوالفقار علي ڀٽو ۽ شهيد محترمه بينظير ڀٽو جي خدمتن کي خراج تحسين پيش ڪيو ويو ۽ سندن درجات جي بلندي لاءِ خاص دعا گهري وئي.
تقريب ۾ زندگي جي مختلف شعبن سان تعلق رکندڙ معزز شخصيتن، سرڪاري آفيسرن ۽ ڪارڪنن شرڪت ڪئي. ان موقعي تي شرڪت ڪندڙن شهيد ذوالفقار علي ڀٽو کي سندس قومي خدمتن، جمهوريت جي فروغ ۽ عوامي حقن لاءِ سندس جدوجهد تي خراج تحسين پيش ڪيو.
